له عوفي بهرام شرکت سره د ۱۰ مېګاواټه لمریزې برېښنا د تولید په موخه د همکاري هوکړه لیک لاسلیک شو
د اوبو او انرژي سرپرست وزیر محترم ملا عبداللطیف منصور د کابل ولایت په تره خیلو سیمه کې د ۱۰ مېګاواټه برېښنا د تولید په وړتیا د لمریزې پروژې د پلي کولو په موخه د عوفي بهرام د کانونو د استخراج او پروسس سوداګریز شرکت له مسؤل سره د همکاري هوکړه لیک لاسلیک کړ.
یاد هوکړه لیک د دواړو لورو ترمنځ د همغږي او ګډو همکاریو په موخه د پانګونې چارو د انسجام او د نوموړي پروژې د عملي چارو د چټکتیا لپاره لاسلیک شو.
