له شبرغان څخه کابل ته د ۵۰۰ کیلو ولټ برېښنا د لېږد مزي د پروژې د پاتې چارو د پیل په موخه د همغږۍ ناسته ترسره شوه
دغه ناسته چې په حضوري او آنلاین ډول ترسره شوه، د اوبو ا وانرژي وزارت د دفتر عمومي رئيس او د انرژي معینیت وارسي کوونکي محترم قاري محمد عبدالعزیز عزیز، د انرژي برنامو رئيس او د اوبو او انرژي وزارت یو شمېر نورو تخنیکي مسؤلینو، د افغانستان برېښنا شرکت او د قراردادي شرکت استازو پکې ګډون درلود.
د دغې ناستې په پیل کې، د اوبو او انرژي وزارت د دفتر عمومي رئيس د ګډونوالو له ګډون څخه مننه وکړه او ټینګار یې وکړ، چې د دغه وزارت رهبري د پروژې د پاتې چارو پیل ته ژمن دی او د هغې د چارو د بیا پیل لپاره د زمینې د برابرولو چارې به په جدي توګه تعقیب کړي.
د ناستې په بهیر کې، ګډونوالو د پروژې د وضعیت او همدارنګه د شونو حل لارو په هکله یې بحث او د اندونو تبادله وکړه، ترڅو راتلونکي اجراآت په چټکۍ سره ترسره شي او د پروژې پاتې چارې بیا پيل شي.
