له ایراني پانګوالو سره د اوبو بندونو د جوړولو په پروژو باندې د پانګونې په هکله د همغږي ناسته ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده، د اوبو د انسجام د برنامو رئيس ښاغلي انجنیر رفیع الله ستانکزي په شتون کې د ایران هېواد د یو شمېر پانګوالو سره د اوبو معینیت د غونډو په تالار کې ترسره شوه.
د ناستې په بهیر کې دواړو لورو ترمنځ د اوبو د بندونو د جوړولو او د انرژي د تولید په پروژو کې د پانګونې لپاره د لازمو همغږیو په هکله بحث او د اندونو تبادله وشوه.
ایراني پانګوالو په پروژو باندې د پانګونې د لېوالتیا ترڅنګ، د چارو د څرنګوالي په هکله یې اړین معلومات د اوبو له معین سره شریک کړل.
د اوبو ښاغلي معین د اړینو معلوماتو تر څېړلو وروسته، د اړینو همغږیو په رامنځته کولو او د چارو پر چټکتیا باندې یې ټینګار وکړ.
