د 334 چک دمونو تدارکاتی پروسې پیل شو..
نن ورځ په اوبو او انرژۍ وزارت کې د چک دمونو یا کوچینو ذخیروی بندونو تدارکاتی پروسې د پیل په اړه پوهاوي کنفرانس جوړ شو.
په دې کنفرانس کې د اوبو او انرژۍ وزارت سرپرست ښاغلی انجنیر محمد گل خُلمی، د اوبو برنامو رییس ښاغلی فرهاد نورزي او د دې وزارت د تدارکاتو رئیس ښاغلی ابراهیم ابرام، د شرکتونو اتحادیې اجرایه رییس ښاغلی شریف عظیمي، د ساختماني شرکتونو رییسانو او استازو برخه اخیستې وه.
د اوبو او انرژۍ وزارت سرپرست ښاغلی انجنیر محمد گل خُلمی په کنفرانس کې د کورني ساختماني شرکتونو د هڅولو ترڅنګ وویل: د افغانستان په ۳۴ ولایتونو کې د ۳۳۴ چک دمونو د جورولو کار پیل کیږی چې ټول له افغان شرکتونو سره به قرارداد کیږي.
ښاغلی خُلمی زیاته کره: په راتلونکو څو کلونو کې د دی پروژو شمیره تر زرو ته به ورسیږي چی له دی جملې څخه اوس مهال 158 پروژو قرارداد لپاره چمتو دی، د اوبو او انرژۍ وزارت سرپرست د ساختماني شرکتونو له استازو څخه وغوښتل چې د خپلو شرکتونو په اړه اړین معلومات د قرارداد لپاره اوبو او انرژۍ وزارت ته واستوي.
په ورته وخت کې د اوبو برنامو رییس ښاغلی فرهاد نورزي د دی پروژو د پلي کولو موخه د سیلابونو خطرونه کمول، د باران اوبو راټولول، د خاورې تخریب څخه مخنیوی، چاپیریال ته وده ورکول، د څړځايونو بیارغول او د ځمکې اوبو تغذیه کول بیان کړ.
د ښاغلی فرهاد نورزي په باور د دی پروژو سروې او ډیزاین بشپړې شوي چی د لومړی پړاو یې په دوه کلونو کې به تطبیق شي.
له بلې خوا په هیواد کې د شرکتونو اتحادیې اجراییه رییس ښاغلی شریف عظیمي د کورنیو شرکتونو لپاره د کارموندنې زمینې برابرولو او د افغان شرکتونو هڅولو ته مؤثره څرګنده کړه.
همدارنګه هغه د اوبو او انرژۍ وزارت او نورو دولتي ادارو مشرتابه باندې هم غږ وکړ چې د افغانستان اقتصاد پیاوړي کولو او د خلکو لپاره د کارموندنې فرصتونو ته وده ورکولو لپاره له افغاني شرکتونو سره قرارداد وکړي.
د نن ورځې په کنفرانس کې د اوبو او انرژۍ وزارت د تدارکاتو ریاست ټولو داوطلبانو ته بلنه ورکړه چې په داوطلبۍ پروسه کې برخه واخلي او د ساختمان څرنګوالی او د دی پروژو لپاره وړاندیز شوی لکښت په اړه پوهه شئ.
د هیواد په پنځو سمندري حوزو کې چی کابل، هلمند، شمال، ۵ آمو او هریرود – مرغاب حوزو شامل دی او بیلابیل ولایتونه تر پوښښ لاندې نیسي د ۵۶ ملیونه ډالرو په ارزښت د افغانستان اسلامي جمهوري دولت له بودجه څخه د آسیا پرختیایي بانک په همکارۍ (ADB) چک دمونو جوړ کیږي.
