د کندز ولایت د چهار درې ولسوالي عمومي کانال د پروژې پاکاري د ۷ میلیونه افغانیو په ارزښت بشپړه او ګتې اخیستنې ته وسپارل شوه
د کندز ولایت د چهار درې ولسوالي عمومي کانال د پروژې پاکاري د ۷ میلیونه افغانیو په ارزښت بشپړه او د پنج آمو سیندیزې حوزې عمومي رئيس محترم مولوي عبدالحکیم حاجي حکمت، د ډې ای آی دفتر رئيس محترم محمد داوود امین زي او د یو شمېر سیمه ییزو مسؤلینو او قومي مشرانو په شتون ګټې اخیستنې ته وسپارل شوه.
د پنج آمو سیندیزې حوزې عمومي رئيس د نوموړې پروژې ګټې اخیستنې ته د سپارلو په غوڼده کې د نوموړې موسسې څخه د مننې ترڅنګ له نورو همکارو موسسو څخه یې هم و غوښتل چې په کندز ولایت کې دې ته ورته ټول ګټې پروژې پلي کړي.
همدغه راز، د نوموړې موسسې تخنیکي مسؤل په دغه غونډه کې وویل چې په یاده پروژه کې د 58400 متر مکعب په اندازه رسوبات چې ضخامت یې شاوخوا ۸۰ ساتني متره ته رسیږي، پاکاري شوې ده.
د یادونې وړ ده، چې نوموړی کانال ۷۰ کیلو متره اوږدوالی لري او شاوخوا ۱۳۰ زره جریبه ځمکه خړوبوي، چې د ډې ای آی دفتر په مالي ملاتړ د پنج آمو سیندیزې عمومي حوزې ترڅارنې لاندې د ۲۵ ورځو په موده کې د شاوخوا ۷ کیلو متره په اندزاه پاکاري یې ترسره شوه.
