د کمال خان بند د اوبو د تخصیص د طرحې د څېړنې په موخه تخنیکي ناسته ترسره شوه
یاده ناسته د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده تر مشري لاندې د وزارت د اوبو سکتور د رئيسانو، سلاکارانو او تخنیکي مسؤلینو په شتون کې ترسره شوه.
په دې ناسته کې، د کمال خان بند د اوبو د تخصیص د طرحې د څېړنې، د یاد بند په لویو کانالونو کې د اوبو د وېش د څرنګوالي په هکله بحث او دنظر تبادله وشوه.
د ناستې په بهیر کې، د تخنیکي مسؤلینو د مطالعاتو پایله او د یادې طرحې مسوده د یوه پرزنتیشن په ترڅ کې په پشپړ ډول وړاندې شوه، چې د اوبو سکتور یو شمېر مسؤلینو او سلاکارانو د هغه په هکله خپل اندونه څرګند کړل.
د اوبو ښاغلي معین د موضوعاتو تر څېړنې او د سلاکارانو او تخنیکي مسؤلینو د اندونو تر آورېدو وروسته، د یادې طرحې د ښه والي په هکله یې لازم هدایات ورکړل.
