د کجکي بریښنا بند د دوهم فاز د پروژې کار بشپړ او ژر به پرانستل شي.
د کجکی برشنا بند د دوهم فاز د پروژې د کار د سرته رسیدو او پرانستلو په هکله د هم غږي ناسته تر سره شوه.
دغه ناسته د اوبو او انرژي سر پرست وزیر ملاعبداللطیف منصور او د ۷۷ ترکي شرکت د مسئولینو ترمنځ تر سره شوه. په دې غونده کې د هلمند د کجکي برشنا بند د دوهم فاز د پرانست غونډې لپاره د همغږي او آمادګي په هکله د نظرونو تبادله وشوه. د اوبو او انرژي سرپرست وزیر د دغې پروژې بشپړیدل په هېواد کې د انرژي د تولید په برخه کې د پر مختګ په لور یو مثبت ګام وباله او د پروژي له ټولو کارکونکو څخه يې قدرداني وکړه. ښاغلي منصور صاحب دغه پروژه یوه ارزښتناکه لاسته راوړنه وبلله او دا يې د وزارت د پروژو په تطبیق کې د عامه مشارکت له لارې یوه بریالۍ تجربه وبلله. د یاولو وړ ده چې د هلمند د کجکي برښنا بند د دوهم فاز پروژه د عامه او خصوصي مشارکت له لارې د ترکی ۷۷ شرکت په واسطه تطبیق، او د دغې پروژې په بشپړیدو سره د کجکی د برښنا د تولید په ظرفیت کې ۱۰۰ میګاواټه زیاتوالی راغلی دی. تردې وړاندې د کجکي د برښنا بند د تولید ظرفیت ۵۱ میګاواټه وو ، چې د دغې پروژې په بشپړیدو سره د تولید ظرفیت ۱۵۱ میګاوټه ته رسېدلی دی.
