د کاپیسا ولایت د باغدرې برېښنا بند د بنسټیزو مطالعاتو او د بند تر کاسې لاندې سیمو د استملاک د ارزونې په هکله خبرې، اترې وشوې
د کاپيسا د اوبو او انرژي رئيس محترم انجنیر کاوه خروش د خپل کار په دفتر کې د اوبو او انرژي وزارت د انرژي برنامو د رئيس محترم انجنیر فرهاد محمودي، د وزارت د یو شمېر نورو مسؤلینو او د چینایي ( ام جم) شرکت د اړیکو له مسؤل سره وکتل او د کاپيسا ولایت د باغدرې برېښنا بند د بنسټیزو مطالعاتو، د بند تر کاسې لاندې سیمو د استملاک ارزونې او د ملکیت ډول( امارتي او شخصي) په هکله چې تر استملاک لاندې به راشي، بحث او د اندونو تبادله وکړه.
د وزارت د انرژي د برنامو رئيس د کاپیسا د اوبو او انرژي ریاست له تخنیکي ټیم سره د نوموړي بند د قراردادي شرکت له کاري سیمو څخه لېدنه وکړه.
له بلې خوا، د کاپیسا د اوبو او انرژي رئيس د شنې دایرې د خدماتي، مشورتي او چاپیریالي شرکت له استازي محترم ظاهر نادري سره وکتل او د باغدرې برېښنا بند د تولنیزو اغېزو (اس، آی، ا) او د چاپیریالي اغېزو (ای، آی،ا) د ارزونې په هکله بحث او د اندونو تبادله وکړه او ټاکل شوې ده، چې د نوموړي شرکت تخنیکي ټیم سبا د ټولنیزې او چاپيریالي اغېزو ارزونه پيل کړي.
په ورته مهال، د کاپیسا د اوبو او انرژي رئيس د خواجه او خرم کانالونو په اوږدو کې د خپل سرو برېښنا کوچنیو بندونو له خاوندانو سره وکتل او هغوی ته یې د نوموړو بندونو د ویجاړېدو او یا نهویجاړېدو په هکله د اوبو چارو د تنظیم قانون او په قانوني ډول د رسمي جواز په اړه د ټاکل شوو شاخصونو په هکله اړین معلومات وړاندې کړل.
