د لیندۍ میاشتې په ۱۹ نيټه د سه شنبه په ورځ ، د کابل ښار د ځمکې لاندې د اوبو د مصنوعي تغذیې د مدیریت پروژې د رهبری کمیټې څلورمه ناسته د اوبو او انرژي وزارت د اوبو مرستیال ښاغلي انجنیر خان محمد تکل، د ولسمشر ستر سلاکار عبدالحمید هلمندي، د کمیټې نورو اړوندو د ادارتو استازو په حضور سره د کابل ښار د اوبو د وضعیت څیړولو، د اړوندو ارګانونو سره د مرستی او همغږي رامنځته کولو، د پلانونو په برخو کې خبرې اترې او د هغه د لاندې تللو څخه د مخنیوي لپاره د حل لار ترسره شوه.

د اوبو او انرژي وزارت د اوبو مرستیال ښاغلي انجنیر خان محمد تکل د کابل ښار په ډیرو ساحو کې د ځمکې لاندې د اوبو د لاندې تللو څځه خبرداری وړکړ او د هغه مخنیوي لپاره یې د حل لار عملی کولو ته اړین څرګنده کړه.

همدارنګه ښاغلی تکل په کابل ښار کې د ځمکې لاندې د اوبو زیرمو د مصرف او تغذیه کې توازن کې هم توپیر په ګوته کړ او د هغه د لاندې تللو څخه د مخنیوي اقداماتو په پلي کولو کې ټینګار وکړ.

په ورته وخت کې، د اوبو او انرژي وزارت د هایدروجیالوجی رییس ښاغلی سید ولی الله عاقلی د کابل ښار په ۲۲ ناحیو کې د ډیری سوداګریزو او ناقانونه اوبو مصرف کوونکو د پیژندلو څځه خبرداری وړکړ هغه د ځمکې لاندې اوبو سرچینو لپاره د مصنوعي تغذیې پروژې رامنځته کول په ګوته کړ او د دې ریاست پلانونه یی تشریح کړل.

په دوام سره د کابل ښار د ځمکې لاندې د اوبو د مصنوعي تغذیې د مدیریت پروژې د کمیټې یو شمیر کارپوهانو د ځمکني لاندې د اوبو پروژې د عمومي وضعیت، نظارتی شبکې، ټولنیزې او اقتصادي سروې، جیو تخنیکي مطالعاتو او ځمکني اوبو ماډل تازه کول او د ځمکې لاندې اوبو د لاندې تللو معلومات او د اوبو د سطحو د لاندې تللو څخه ځمکې ناستې په اړه توضیحات وړاندې کړل.

د کابل ښار د ځمکې لاندې د اوبو د مصنوعي تغذیې د مدیریت پروژې کمیټې د لاندې اداراتو څخه تشکیل شوی ده لکه د اوبو او انرژي وزارت، د کرنې وزارت، د ښاري کانالیزاسیون، د آسیا پراختیایی بانک(ADB)، USAID او نور اړوندو ارګانونه چې په ګډه کار کوي په کابل کې تر ځمکې لاندې اوبه تغذیه کوي.