د کابل ښار د صنعت کارانو ټولنې سره د هغوی د برېښنا ستونزې د هوارولو په موخه ناسته ترسره شوه
د اوبو او انرژي وزارت سرپرست وزیر ښاغلي ملا عبداللطیف منصور د خپل کار په دفتر کې د کابل ښار د صنعت کارانو ټولنې سره وکتل او د کابل ښار په صنعتي پارکونو کې د برېښنا کموالي د ستونزې په هکله بحث او دنظر تبادله وکړه.
په یاده ناسته کې، د کابل ښار یو شمېر صنعت کاران په صنعتي فابریکو کې د برېښنا کموالي د ستونزې څخه شکایت درلود او د اوبو او انرژي وزارت له رهبري څخه په دې برخه د توجه غوښتنه وکړه.
د اوبو او انرژي وزارت سرپرست وزیر دوی ته ډاډ ورکړ چې د دوی ستونزې به د افغانستان برېښنا شرکت له مسؤلینو سره شریکې کړي او شته امکاناتو ته په کتو سره به ددوی ستونزو ته رسیدګي وشي.
