د کابل ولایت په کلکان او قره باغ ولسوالیو کې د سیند غاړو د تحکیماتو درې پروژې او د کانال بیا رغولو یوه پروژه تطبیق کیږي.
د کابل ولایت په کلکان او قره باغ ولسوالیو کې د سیند غاړو د تحکیماتو درې پروژې او د کانال بیا رغولو یوه پروژه تطبیق کیږي.
د اوبو چارو د تنظیم ملي ادارې لوی رئیس ښاغلي انجنیر خان محمد تکل د کابل ولایت د کلکان او قره باغ ولسوالیو قومي مشرانو سره وکتل، او د اوبو مدیریت پراختیايي پروژو تطبیق په اړه یې ورسره خبرې وکړې.
په دې لیدنه کې د کلکان او قره باغ ولسوالیو قومي مشرانو د اوبو چارو د تنظیم ملي ادارې د رهبرۍ مقام د کړنو قدردانۍ ترڅنګ، د اوبو مدیریت پراختیايي پروژو په تطبیق کې خپلې ستونزې او ضرورتونه د اوبو چارو د تنظیم ملي ادارې له لوی رئیس سره شریکې کړې.
ښاغلي تکل د ذکر شویو ولسوالیو مشرانو ته ډاډ ورکړ چې په نږدې وخت کې به د دې ادارې تخنیکي ټیم یادو ولسوالیو ته ولیږل شي، ترڅو د خلکو د ضرورت وړ پروژې لکه چکډیم، د سواحلو تحکیمات او د اوبو لګولو کانالونه سروې کړي.
د اوبو چارو د تنظیم ملي اداره
