د کابل ولایت د چهاردهي د ولسي شورا غړو سره لیدنه
د اوبو د چارو د تنظیم ملي ادارې عمومي رئيس او د انرژي خدماتو ادارې سرپرست، انجینر خان محمد تکل په خپل کاري دفتر کې د کابل ولایت د چهاردهي د ولسي شورا یو شمېر غړو او مشرانو سره وکتل.
په دغه لیدنه کې د کابل ښاریانو د څکلو د اوبو او د شاتوت للندر د اوبو لګونې د بند د پروژې په ستونزو باندې خبرې وکړې.
د اوبو د چارو د تنظیم ملي ادارې عمومي رئيس د چهاردهي ولسي مشرانو ته ډاډ ورکړ چې ډير ژر به د شاتوت بند د استملاک ستونزه حل شي او عملي چارې به یې پيل شي.
