د چینایي " ایگل کین داو " شرکت مسؤلینو او ورسره مل د اوبو او انرژي وزارت تخنیکي ټیم د ډبرو له سکرو څخه د برېښنا د تولید پروژې د ساحې د تثبیت په موخه کاپیسا ولایت ته سفر وکړ
د چینایي " ایگل کین داو " شرکت مسؤلینو او ورسره مل د اوبو او انرژي وزارت تخنیکي ټیم د ډبرو له سکرو څخه د برېښنا د تولید پروژې د ساحې د تثبیت په موخه کاپیسا ولایت ته سفر وکړ
یاد سفر د اوبو او انرژي وزارت د رهبري مقام د هدایت پر بنسټ ، د کاپیسا ولایت مقام او د یاد ولایت د سیندیزې فرعي حوزې په همغږي، د ډبرو له سکرو څخه د ۵۰ تر ۱۰۰ میګاواټه برېښنا د تولید د ساحې د تثبیت او سروې په موخه تنظیم شوی وو.
د نوموړي شرکت مسؤلینو او د وزارت تخنیکي ټیم په پيل کې د کاپیسا مرستیال والي محترم شیخ اسدالله سنان سره وکتل او هغه ورسره په دې برخه کې د هر اړخیزې همکاري ژمنه وکړه.
د یادونې وړ ده چې نوموړی پلاوی به د یادې پروژې لپاره مناسبې ساحې تثبیت او وڅېړې، چې تر سروې وروسته به یې د وزارت او یاد شرکت ګډ تخنیکي ټیم د پروژې د مطالعاتو امکان سنجي چارې پیل کړي.
