د پکتیا په سیندیزې فرعي حوزې کې د خپل سرو څاه ګانو د کیندلو د مخنیوي او د میترونو د نصبولو په موخه ناسته ترسره شوه
یاده ناسته د پکتیا په سیندیزې فرعي حوزې د رئیس الحاج مولوي محمد کریم فاتح او د یادې حوزې د کارکوونکو په شتونه کې ترسره شوه او د خپل سرو ژورو او نیمه ژورو څاه ګانو د کیندلو د مخنیوي، د خصوصي سکټور د اوبو عمده مصروف کوونکو څاه ګانو ته د میټرونو د نصبولو او د بیت المال د ساتنې په هکله بحث او د اندونو تبادله وشوه.
همدارنګه، په دغه ناسته کې د نوموړې حوزې سلاکار انجنیر فضل رحیم رحیمي د اوبو د سپما په برخه کې د عامه پوهاوي په هکله هر اړخیزه وینا وکړه او اړوندو مسئولینو ته یې اړینې لارښوونې هم وکړې.
