د پکتیا سیندیزې فرعي حوزې ریاست اداري ناسته ترسره کړه
د پکتیا سیندیزې فرعي حوزې ریاست د اړوندو څانګو مسؤلینو له لوري د کړنو د پلټنې، همغږي کولو او چارو ته پر وخت رسیدنې په موخه اداري ناسته ترسره کړه.
ناسته د قرآن عظیم الشان د مبارکو آیاتونو په تلاوت کولو سره پېل شوه؛ د یاد ریاست رئیس مولوي محمد کریم فاتح د ناستې د لومړي ویناوال په توګه ګډونوالو ته ښه راغلاست وویل، د بېلابېلو څانګو کړنې یې وارزولې او د چارو د ښه پرمخ وړلو لپاره لازم هدایات ورکړل.
د ریاست د بېلابېلو څانګو مسؤلینو په پرلپسې ډول د خپلو څانګو د تېرو کړنو کاري راپورونه وړاندې کړل او هوډ یې څرګنډ کړ، چې ورسپارل شوې چارې به په پوره ريښتینوالۍ او روڼتیا سره پرمخ وړي.
