د پوزه لیچ عمومي کانال د سیلبرد د جوړولو پروژې د چارو پر کیفیت او د چټکتیا باندې ټینګار وشو
د غور سیندیزې فرعي حوزې رئيس محترم ملا رحمت الله اماني او ورسره مل تخنیکي ټیم د پوزه لیچ عمومي کانال د چارو له بهیر څخه څارنه وکړه او د چارو پر کیفیت او چټکتیا باندې ټینګار وکړ.
د یادې پروژې چارې د (FAO) دفتر په مالي او تخنیکي ملاتړ د غور سیندیزې فرعي حوزې تر څارنې لاندې پرمخ وړل کېږي.
د دې پروژې په بشپړېدو سره به د غور- کابل عمومي سړک او د سیلبرد شاوخوا ځمکې د موسمي سیلابونو له ګواښ څخه خوندي شي.
