د هندي «شنکرانارایانا» شرکتونو د ډلې استازو د اوبو له معین سره په لیدنه کې د اوبو په پروژو کې پانګونې ته لېوالتیا وښوده
د اوبو او انرژي وزارت د اوبو معین محترم مجیب الرحمن عمر آخندزاده د هندي «شنکرانارایانا» شرکتونو د ډلې له استازو سره لیدنه وکړه او د اوبو په پروژو کې د پانګونې په هکله بحث او د اندونو تبادله وکړه.
په دغه لیدنه کې، د نوموړو شرکتونو د ډلې استازو په افغانستان کې د خپلې پانګونې لېوالتیا په ځانګړې توګه د اوبو د پروژو د پلي کولو په برخه کې څرګنده کړه.
د اوبو او انرژي وزارت د اوبو معین د هغوی لېوالتیا وستایله او ویې ویل چې اوسمهال په افغانستان له هره پلوه د پانګونې لپاره زمینه چمتو ده او د اوبو او انرژي وزارت رهبري د هر اړخیزې همکاري ترڅنګ، د دغه وزارت په پروژو کې د پانګونې هرکلی کوي.
په پای کې، دواړو لورو پر لازیاتو همغږیو او د ګډو همکاریو د چارو په ترسره کولو باندې ټینګار وکړ.
