د هریرود مرغاب عمومي سیندیزې حوزې او د لاندني هریرودسیندیزې فرعي حوزې کارمندانو ته د اوبو او انرژي وزارت د برنامو په هکله هر اړخیز معلومات وړاندې شول
د اوبو او انرژي وزارت پلاوي د اوبو د تاسیساتو او شبکو د حفظ او مراقبت او ګټې اخیستنې رئيس محترم انجنیر حبیب الرحمن حقپال تر مشري لاندې چې په ترکیب کې یې اداري رئيس محترم مفتي حکمت الله جمال او د املاکو او ملکیتونو کارپوه شامل دي، د هریرود- مرغاب عمومي سیندیزې حوزې د رئيس محترم سید عبدالسلام مستوفي آغا، د لاندني هریرود سیندیزې فرعي حوزې د رئيس او د نوموړو ریاستونو د آمرینو او سلاکارانو سره وکتل.
ښاغلي حقپال په دغه لیدنه کې د نوموړو حوزو کارمندانو ته د اوبو او انرژي وزارت د برنامو په هکله هر اړخیز معلومات وړاندې کړل او هغوی ته یې سپارښتنه وکړه، چې د پراختیایي برنامو په ترسره کولو کې دقیق او پر وخت اجراآت ترسره کړي.
په ورته مهال، د نوموړو ریاستونو کارمندانو هم د دغه وزارت پلاوي ته د وزارت د پراختیایي برنامو د پلي کولو په برخه کې کې ډاډ ورکړ.
