د هریرود مرغاب سیندیزې حوزې عمومي رئیس د تیزان او جغرتان سربندونو څخه څارنه وکړه
د هریرود مرغاب سیندیزې حوزې عمومي رئیس ښاغلی ملا عبدالسلام "مستوفی آغا" د دې ادارې له تخنیکي انجینرانو سره د هرات ولایت د انجیل ولسوالۍ په ګذره او جغرتان ولسوالیو کې د تیزان کانالونو څخه د لیدنې پرمهال دوی د سلمابند څخه د اوبو د عادلانه ویش څارنه وکړه .
په دغه لیدنه کې ښاغلي مستوفی آغا د سلما بند د اوبو ګټه اخیستونکو ته سپارښتنه وکړه چې د سلما بند د اوبو څخه په عادلانه ډول ګټه واخلي او ویې ویل چې ټول بزګران باید د اوبو په مصرفو کې صرفه جویې وکړي، ترڅو د بند لاندې د ۸ ولسوالیو ټول اړمن کسان له اوبو څخه ګټه واخلي.
د یادونې وړ ده، چې په دې وروستیوکې د سلمابند د عادلانه ویش د کمیسیون د پریکړې له مخې د بند د لاندی په ۸ ولسوالیو کې د کرنیزو ځمکو د خړوبولو او د غنمو د کښت لپاره د اوبو د ویش لړۍ پیل شوې ده او د ټولو اړخونو د ګډو هلو ځلو له امله تر اوسه د کرنیزو ځمکو د خړوبولو پروسه بریالۍ شوې ده.
