د هریرود مرغاب سیندیزي فرعي حوزې د عمومي ریاست په سالون کې د اوبو د سرچینو د مدیریت د همغږي کمیټې غونډه ترسره شوه.
د هریرود مرغاب سیندیزي فرعي حوزې د عمومي ریاست په سالون کې د اوبو د سرچینو د مدیریت د همغږي کمیټې غونډه د هرات د هریرود سیندیزي حوزې د محترم رئیس(مولوي سردار ولي "مزمل") په حضور کې ترسره شوه.
یاده غونډه کي د کرنې رياست استازي ، د حج او اوقافو رياست استازي، د هرات پوهنتون استازي، د اوبو رسولو رياست استازي، د کانونو رياست استازى، د پېښو پر وړاندې د مبارزې رياست استازي، د ښار جوړونې رياست استازي او د ښاروالي استازي. د هرات د چاپېریال ساتنې ریاست استازی ګډون درلود.
لومړی غونډه د کلام الله د څو مبارکو آیاتونو په تلاوت سره پیل شوه
ورپسې د هرات د هريرود فرعي حوزې رئيس مولوي سردار ولي (مزمل) د اوبو پر ارزښت خبرې وکړې او د غونډې له غړو يې وغوښتل، چې په دې برخه کې همکاري او خپل ګټور نظرونه وړاندې کړي.
1 : د اوبو د زیات استعمال او پخپل سر څاه کیندلو څخه ډډه کول
2 : د سطحي اوبو کنټرول او د ځمکې لاندې اوبو تغذیه کول
۳: د اوبو د ککړتیا مخنیوی
په پای کې د غونډې غړو خپل نظرونه وړاندې کړل او د پورتنیو موضوعاتو د بیا کتنې په موخه درې ټیمونه جوړ شول ترڅو په راتلونکې غونډه کې خپل پلان وړاندې او د کمیټې له خوا تصویب او نهايي شي.
