د نهر کریم کانال د رغونې چارو له روان بهیر څخه څارنه وشوه
د لغمان ولایت سیندیزې فرعي حوزې رئیس مولوي شېرجان راشدي په مشري، ورسره مل تخنیکي سلاکار انجنیر سید عبدالرحیم سادات د نهر کریم کانال د پروژې له روان بهیر څخه څارنه وکړه.
د څارنې پر مهال، تطبیق کوونکو شرکتونو ته د کیفیت لا ښه والي په موخه اړینې لارښوونې وشوې.
د یادولو وړ ده، چې د نوموړي کانال د رغونې چارې د اېف، اې، او مؤسسې په مالي لګښت دوو شرکتونو له لورې ترسره کېږي، چې په جوړېدو سره به یې ۲۰۰۰۰ هکتاره کرنیزه ځمکه خړوبه شي.
