د ملګرو ملتونو سازمان د دفتر له رئيس سره د اقلیمي بدلونونو او د ځمکې لاندې اوبو د مدیریت په هکله خبرې، اترې وشوې
د فاریاب ولایت د اوبو او انرژي رئيس محترم مولوي محي الدین مبارز د ملګرو ملتونو سازمان د دفتر له رئيس محترم احمد یما فکران سره د اقلیمي بدلونونو، د ځمکې لاندې اوبو د مدیریت او د اوبو په برخه کې د خلکو ستونزو د هوارولو په هکله بحث او د اندونو تبادله وکړه.
په دغه لیدنه کې، ښاغلي مبارز د ځمکې لاندې اوبو د مدیریت او د بندونو د اوسني وضعیت د څرنګوالي، د ژورو او نیمه ژورو خپل سرو څاګانو د کېندلو د مخنیوي په هکله د معلوماتو د شریکولو ترڅنګ له نوموړي سازمان څخه د اوبو پراختیایي پروژو د پلي کولو غوښتنه وکړه.
