د ملګرو ملتونو د پروژو د چوپړونو د اداري له تخنیکي ټیم سره په کاپیسا ولایت کې د سولر پمپ پروژو د پلي کولو په هکله خبرې وشوې
د کاپیسا د سیندیزې فرعي حوزې رئيس محترم انجنیر کاوه خروش له محترم صدیق الله او د نوموړي دفتر له تخنیکي ټیم سره وکتل او د نجراب او تګاب ولسوالیو په سورپل، صیاد، ناګمان او د دغه ولایت د مرکز اړوند د سولانک په سیمو کې د سولر پمپ پروژو د پلي کولو په هکله خبرې وکړې.
همدارنګه په دغه لیدنه کې، په کاپیسا ولایت کې د اوبو پروژو د اقتصادي، ټولنیزې او چاپېریالي مطالعې او سروې په هکله هم خبرې، اترې وشوې.
له بلې خوا، د اوبو او انرژي وزارت مسؤلینو چې د کاپیسا د سیندیزې فرعي حوزې د کارمندانو د وړتیا لوړو په موخه کاپیسا ولایت ته سفر کړی، د نوموړې حوزې له انجنیرانو سره د حمامونو، هوټلونو او موټر وینځلو ځایونو څخه د هغوی له لوري د اوبو له سرچینو څخه د ګټې اخیستنې د څرنګوالي له بهیر څخه څارنه وکړه او هغوی ته یې د خپلو فعالیتونو د قانوني کېدو او د اسنادو د طی مراحلو د څرنګوالي په هکله اړینه لارښوونه وشوه.
په ورته مهال، د کاپیسا سیندیزې فرعي حوزې رئیس محترم انجنیر کاوه خروش او ور سره مل ټیم تګاب ولسوالي ته د ساحوي مدیریت د کړنو د ارزولو، څارنې او ستونزو ته د رسیدګي په موخه سفر وکړ او د نوموړې ولسوالي له ولسوال محترم مولوي مرتضی خالد او مرستیال سره یې وکتل او د ساحوی دفتر چارو ته د رسیدګي په موخه بحث او د اندونو تبادله وکړه.
همدارنګه ښاغلي خروش د شاه طوري کلي د کانال د سربند د لېږد له بهیر څخه له پورتني ځای څخه د سټیشن کښتني برخې څخه هم لیدنه وکړه.
