د لوګر سیندیزې فرعي حوزې مسؤلینو د خروار ولسوالي له مشرانو سره د خروار بند د ستونزو دهوارولو په موخه وکتل
د لوګر سیندیزې فرعي حوزې رئيس ښاغلي حاجي عمراخان صدیقي او ورسره مل تخنیکي ټیم د اوبو او انرژي وزارت د رهبري د هدایت پر بنسټ، خروار ولسوالي ته سفر وکړ او د یادې ولسوالي له مشرانو سره د خروار بند د ستونزو د هوارولو په موخه وکتل.
په دې لیدنه کې، د یادې ولسوالي مشرانو د خروار بند کې شته ستونزې له ښاغلي صدیقي سره شریکې کړي.
ښاغلي صدیقي په خروار بند کې د شته ستونزو تر آورېدلو وروسته، د هغې ولسوالي له مشرانو سره د یاد بند د ستونزو د هوارو په برخه کې د هر راز همکاري ژمنه وکړه.
