د لاندنې هریرود سیندیزې فرعې حوزې رئیس د پاشدان بند څخه لیدنه وکړه
د لاندنې هریرود سیندیزې حوزې رئیس ښاغلی مولوي سردار ولي مزمل د هرات ولایت د پاشدان بندڅخه لیدنه ترسره کړه.
د لاندنې هریرود سیندیزې فرعي حوزې رئیس د پاشدان بند د چارو د کتلو پر وخت د یاد بند مسؤلینو ته د هغې د پالنې او ساتنې لپاره لازم هدایات ورکړ.
د یادولو وړ ده، چې د پاشدان بند د هرات ولایت په کرخ ولسوالۍ کې موقعیت لري، چې د یاد بند په بشپړیدو سره به کابو ۱۸ زره هکتاره ځمکه به خړوبه او دوه میګاواټه برېښنا به تولید کړي.
