د غور ولایت په چهارسدې ولسوالي کې د قلعه ګهر خازه چکډم ګټې اخیستنې ته وسپارل شو
د غور ولایت په چهارسدې ولسوالي کې د قلعه ګهر خازه چکډم د جوړولو چارې چې د اوبو او انرژي وزارت له پراختیايي بودجې څخه د غور سیندیزې فرعي حوزې تر څارنې لاندې د ۳ میلیونه افغانیو په لګښت د یوه کورني شرکت له لوري بشپړې شوي، د ګهر ولسوالي مسؤولینو، د نوموړې سیندیزې حوزې تخنیکي ټیم او سیمه اییزو مشرانو په شتون کې ګټې اخیستنې ته وسپارل شو.
نوموړی چکډم د سېلابونو د کنټرول او د هغه د خطرونو کموالي، د موسمي اوبو د راټولولو او د ځمکې لاندې اوبو د تقویې په موخه جوړ شوی، چې د ۵۰۰۰ مترمکعبه اوبو د ذخیره کولو ظرفیت لري او د هغه په جوړولو کې لسګونو کسانو ته د کار زمینه برابره شوې وه او څه د پاسه ۵۰۰ کورنۍ به له هغه څخه برخمنې شي.
