د غوربند – چاریکار سیندیزې فرعي حوزې مسؤلینو د یاد ولایت له مسؤلینو سره خپلې یو کلنې لاسته راوړنې او کړنې شریکې کړلې
د غوربند – چاریکار سیندیزې فرعي حوزې مسؤلینو د ادارو د راپور ورکولو په لړ کې خپلې یو کلنې لاسته راوړنې او کړنې د یاد ولایت له مسؤلینو سره شریکې کړلې.
د غوربند – چاریکار سیندیزې فرعي حوزې رئيس ښاغلي انجنیر مجیب الرحمن د خپلې ادارې د مخینې د وړاندې کولو ترڅنګ، خپلې یو کلنې لاسته راوړنې او کړنې تشریح کړې.
د غوربند – چاریکار سیندیزې فرعي حوزې رئيس وویل: پروان ولایت له پنځو سیندونو پنجشیر، غوربند، شتل او د سنجد آب د درې له اوبو څخه ګټه اخلي، چې یاده اداره هر کال د اوبو له سرچینو څخه د ډادمنې ګټې اخیستنې په موخه ، د پروان ولایت د اوسیدونکو لپاره د څښاک، کورنیو، کرنیزو او صنعتي اوبو د برابرولو په برخه کې په سیمه کې د ۳۸۲۲۵ هکتاره ځمکه برابروي.
هغه زیاته کړه: په ۱۴۰۰ کال کې دې ریاست د خلکو په فعالې ونډې سره د اوبو ۱۰۶ کانالونه د څه باندې ۱۸۰ زره متریک ټنه رسوبې موادو څخه پاکه کړه.
د پروان ولایت د والي مرستیال ښاغلي مفتي محمد ادریس انوري د یادې ادارې له هڅو اوکړنو څخه خوښۍ څرګنده کړه او د ښې حکومتولۍ او غوره خدمتونو د وړاندې کولو لپاره یې خپل نظر له هغوی سره شریک کړ.
د والي مرستیال د غوربند سیدیزې فرعي حوزې مسؤلینو ته لارښوونه وکړه چې اوبه په سمه توګه کنترول کړي، او هغه بلولونه چې په خپل سرې ډول د پروان د پروژې په مسیر کې جوړې شوې دي، وتړي.
