د شمال سیندیزې عمومي حوزې د انرژي کمیټې دوهمه ناسته ترسره شوه
د شمال سیندیزې عمومي حوزې د انرژي کمیټې دوهمه ناسته د بلخ ولایت مقام د مرستیال مولوي نورالهادي ابو ادریس تر مشرۍ لاندي د شمال سیندیزې عمومي حوزې رئیس مولوي عبدالحکیم حاجي حکمت، د بلخ سیندیزې فرعي حوزې رئیس، د زراعت رئیس او یو شمېر نورو سیمه یېزو مسئولینو په ګډون کې ترسره شوه.
په یاده ناسته کې د بلخ ولایت لرې پرتو سیمو ته د تجدید وړ سرچینو څخه د انرژي چمتو کولو په هکله بحث او د نظر تبادله وشوه.
د یادولو وړ ده چې د بلخ ولایت د انرژي کمیټې د جوړېدو موخه، د انرژي سکتور د فعالیتونو انسجام او د تجدید وړ سرچینو څخه د بلخ ولایت لرې پرتو سیمو ته د انرژي چمتو کول دي.
