د شاه و عروس بند پاتې چارې ډیر ژر پیلیږي
ښاغلی انجنیر مجبیب الرحمن "عمر" د اوبو او انرژي وزارت د اوبو معین د دې وزارت د پروژو د ارزونې کمېیسون په راس کې، چې د مرکزي بانک رئیس، د ماليې وزارت استازي، د اقتصاد وزارت او یو شمیر تخنیکې چارواکو، شکر درې ولسوالي ته سفر کړی او د شاه و عروس بند پروژې وضعیت یې له نږدې څخه تر بررسي لاندي ونیو.
یاد کمېسیون د شاه و عروس بند د لیدنې په وخت کې د دې پروژې وضعیت په یوه غونډه کې تر مطالعي او بررسي لاندې ونیو او دهغې د ستونزو په ځانکړې ډول د انوایسونو د ورکړې او د توربینونو د پېرولو باندې تبادل نظر و کړل.
د دې وزارت د اوبو معین د شاه و عروس بند د ارزونې په وخت کې د دې پروژې د اهمیت څخه یادونه وکړه او د اړوندو ادارو څخه یې د پروژې د اقتصادي ستونزو د هوارولو غوښتونکی شو.
ښاغلي عمر ټینګار و کړ، چې د شاه و عروس پروژه د اوبو او انرژي وزارت د چارو په لومړیتوب کې دی، له همدې کبله د اوبو او انرژي وزارت رهبري کوښښ کوي چې د ټولو ادارو په همکاري سره د دې پروژې پاتې چارې ډير ژر پيل کړي.
د یادولو وړه ده، چې د شاه و عروس بند د 1.2 میګاواټه برېښنا د تولید وړتیا لري او په بشپړیدو سره به یې ۱۵۰۰ هکتاره کرنیزه ځمکه خړوبه کړي او همدارنګه د دې پروژې په پلي کیدو سره د کابل د اوسیدونکو لپاره ، ۵ میلیونه متر مکعبه د څښاک اوبه برابر کړي.
