د سمنګان ولایت د اوبو او انرژي رئیس د تحت حقان کانال او زیرخوال سربند د اوبو ګټې اخیستونکو سره وکتل
د سمنګان ولایت د اوبو او انرژي رئیس الحافظ مولوي محب الله عادل د خپل کار په دفتر کې د ژوندون درې د تحت حقان کانال او زیرخوال سربند له مشرانو سره وکتل.
د ژوندون درې مشرانو په نوموړي کانال کې د کرنیزو او څښاک اوبو د کموالي او د ویجاړ شوي زیرخوال سربند په هکله خپلې ستونزې د سمنګان ولایت د اوبو او انرژي له رئیس سره شریکې کړې.
ښاغلي عادل له هغوی سره ژمنه وکړه چې ستونزو ته به یې له تخنیکي سروې وروسته رسیده ګي وشي.
