د سترو قراردادونو د څېړنې د رهبري پلاوي ناسته ترسره شوه
د تېرو ناستو په دوام کې دا ناسته هم د اوبو او انرژي وزارت د اوبو معین محترم مجیب الرحمن عمر آخندزاده تر مشرې لاندې د کلیو پراختیا وزارت معین محترم مفتي سید احمد مستقیم، د ټولګټو وزارت معین محترم مولوي عبدالکریم فاتح، د تدارکاتو ملي ادارې مرستیال محترم شیخ عبدالرحیم رحیمي او د سترو قراردادونو د څېړنې پلاوي د تخنیکي ټیم په ګډون ترسره شوه.
په یاده ناسته کې د کلیو پراختیا وزارت پورې اړوند اووه پروژې تر څېړنې لاندې ونیول شوي او په هکله یې اړین بحث او د اندونو تبادله وشوه.
د یادو قراردادونو تر څېړنې وروسته، اړین تصمیمونه ونیول شول،چې د ناستې د غړو له وړاندیزونو سره یوځای د یاد پلاوي په عمومي راپور کې شامل او د افغانستان اسلامي امارت له اقتصادي کمېسیون سره شریک شي.
