د تګاب ولسوالي تر باغدرې برېښنا بند پورې د سړک جوړونې پروژې د چارو له بهیر څخه څارنه وشوه
د کاپيسا د اوبو او انرژي رئيس محترم انجنیر کاوه خروش او ورسره مل تخنیکي ټیم د تګاب ولسوالي تر باغدرې برېښنا بند پورې د سړک جوړونې پروژې د چارو له بهیر څخه څارنه وکړه او اړوندو مسؤلینو ته یې د چارو د غوره پرمخ وړلو په موخه اړینې لارښوونې وکړې.
همدارنګه، ښاغلي خروش د تګاب ولسوالي په نوروزخېلو سیمه کې د هغو شپږو پروژو له سیمو څخه چې ټاکل شوي د یو، این، ډي، پي دفتر په مالي لګښت د کاپیسا د اوبو او انرژي ریاست تر څارنې لاندې پلي شي، هم لیدنه وکړه او د شوخي هایدرومیتیورولوژي سټیشن او کیبل وي هم له تخنیکي پلوه و ارزول شو.
