د ترکیه هیواد خیریه بنسټ آی ها ها IHH سره د اوبو اوا انرژي وزارت سرپرست وزیر لیدنه وکړه.
د اوبو او انرژي وزارت سرپرست وزیر ښاغلي ملا عبداللطیف منصور د آی ها ها IHH خیره نبسټ عمومي رئیس بولند یلدرم او د دې بنسټ یو شمیر مسؤلینو سره د خپل کار په دفتر کې وکتل.
په دې لیدنه کې د آی ها ها IHH خیره بنسټ عمومي رئیس د یتیم خانو، مدرسو او نورو عام المنفعه خدمتونو د ترسره کولو په برخه کې د خپلو فعالیتونو څخه یادونه وکړه او په افغانستان کې د اوبو مدیریت پروژو د تطبیق په برخه کې خپله علاقمندي څرګنده کړه.
د اوبو او انرژي وزارت سرپرست وزیر د اوبو مدیریت په برخه کې د یاد خیریه بنسټ له علاقه مندۍ څخه مننه وکړه او زیاته یې کړه، په افغانستان کې د دوامداره وچکالیو او د اقلیمي شرایطو بدلونونو په نظر کې نیولو سره د اوبو مدیریت پروژو تطبیق د اوبو او انرژي وزارت له لمړیتوبونو څخه دي او مونږ په دې برخه کې د هر ډول همکاریو رامنځته کولو قدرداني کوو.
په همدې حال د اوبو او انرژي وزارت د اوبو معین ښاغلي انجنیر مجیب الرحمن عمر چې په دې جلسه کې هم ګډون درلود د IHH خیریه نبسټ مسؤلینوته د پروژو د تطبیق په برخه کې د موقع برابرولو ډاډ ورکړ، او د یاد خیریه بنسټ څخه د بندونو ډیزاین او جوړونې په برخه کې د همکارۍ په اړه ټینګار وکړ.
په آخر کې د یاد خیره بنسټ عمومي رئیس ښاغلي بولند یلدرم د اوبو مدیریت د پروژو په برخه کې د پانګه اچونې او همکارۍ وعده وکړه دواړو لورو د دې ناستو په دوام او د همکاریو په عملي کولو کې د معلوماتو په شریکولو ټینګار وکړ.
د اوبو او انرژي وزارت
