د بدخشان ولایتي انرژي کمېټې میاشتنۍ غونډه ترسره شوه
دغه غونډه د بدخشان ولایت د اوبو او انرژي رئيس محترم مولوي صبغت الله قانع تر مشري لاندې د بدخشان انرژي رئيس محترم مولوي حکمت الله آخندزاده او د اړوندو ادارو د استازو په شتون کې ترسره او د برېښنا انرژي اړوندو موضوعاتو په هکله خبرې، اترې وشوې.
په دغه غونډه کې، د بدخشان ولایت د مرکز، فیض آباد ښار او کشم ولسوالي کې د سب سټيشنونو د جوړوېدو، د شورابک برېښنا بند د تاسیساتو او ودانۍ د حفظ او مراقبت د څرنګوالي، د بدخشان ولایت د اوسېدونکو لپاره د برېښنا انرژي دبرابرولو، په جرم ولسوالي کې د سوچ برېښنا بند د جوړېدو او د برېښنا انرژي یو شمېر نورو اړوندو موضوعاتو په هکله بحث او د اندونو تبادله وشوه.
همدارنګه، په دغه ناسته کې د ګډونوالو د اندونو او وړاندیزونو تر اورېدو وروسته، د نوموړو موضوعاتو په هکله اړین تصمیمونه ونیول شول.
