د اوبو چارو د تنظیم ملي ادراې عمومي رئیس د شاه و عروس بند د استملاک زیانمنو ته د ښارګوټي د نمرو د وېشلو په موخه شکردرې ولسوالۍ ته سفر وکړ.
د اوبو چارو د تنظیم ملي ادراې عمومي رئیس د شاه و عروس بند د استملاک زیانمنو ته د ښارګوټي د نمرو د وېشلو په موخه شکردرې ولسوالۍ ته سفر وکړ.
د اوبو چارو د تنظیم ملي ادارې عمومي رئیس ښاغلي انجنیر خان محمد تکل د کابل ولایت شکردرې ولسوالۍ ته په خپل رسمي سفر کې د هغې ولسوالۍ له اوسیدونکو څخه د شاه و عروس بند پروژې په تطبیق او د خپلو ځمکو وقف کولو په موخه له هغو څخه مننه وکړه.
ښاغلي تکل په خپلو خبرو کې وویل چې د دې پروژې په لمړیو کې یو اندازه ستونزې وې چې اوس حل شوې دي، ټولو هغه اشخاصو ته به چې د دې پروژې په وجه متضرر شوي دې رسیدنه وشي، هغه زیاته کړه دا موضوع زه خپله له نږدې څارم.
د اوبو چارود تنظیم ملي ادارې لوئ رئیس د هغه ټولو ادارو یادونه وکړه چې د استملاک په موضوع کې دخیل وو ترڅو د خسارې جبران ترسره او هغوئ ته خپل حقوق ورسیږي.
ښاغلي تکل په خپلو خبرو کې وویل چې دا د اوبو چارو د تنظیم ملی ادارې د ټولو کارمندانو د دوامداره هڅو نتیجه ده چې نن د دې ملي پروژې کارونه هغه حد ته رسیدلي چې په څو راتلوونکو ورځو کې به د افغانستان نجیب ملت په خاص ډول د شکر درې ولسوالۍ اوسیدوونکې د بند د پرانستې شاهدان وي.
د یادونې وړ ده چې د اوسیدنې نمرو کارتونه د پچې اچونې له لارې په روښانه ډول متضررینو ته توضیع شول چې پکې نوم او نمره ځانګړې شوې وه.
د اوبو چارو د تنظیم ملي اداره په هیواد کې د اوبو مدیریت ته د جلالتمآب ولسمشر د خاصې پاملرنې او متوازنې پراختیا مطابق په بیلابیلو برخو کې لوئې، منځنۍ او وړې پروژې تر کار لاندې لري، چې ځینې د هغو څخه د بشپړیدو په حال کې دي، چې د هغې له جملې څخه د شاه وعروس بند به په نیږدې راتلوونکې کې پرانیستل شي.
د اوبو چارو د تنظیم ملي اداره
