د اوبو چارو د تنظیم ملي ادارې د رهبرۍ مقام په حضور کې د هریرود مرغاب سیندیزې عمومي حوزې او د شمال سیندیزې عمومي حوزې د خپلو لاسته راوړنو او فعالیتونو ربعوار راپور وړاندې کړ.
د اوبو چارو د تنظیم ملي ادارې د رهبرۍ مقام په حضور کې د هریرود مرغاب سیندیزې عمومي حوزې او د شمال سیندیزې عمومي حوزې د خپلو لاسته راوړنو او فعالیتونو ربعوار راپور وړاندې کړ.
د اوبو چارو د تنظیم ملي ادارې لوی رئیس ښاغلي انجنیر خان محمد تکل او تخنیکي مرستیال انجنیر احمد ویس بصیری په حضور کې د هریرود مرغاب سندیزې حوزې لوی ریاست او د شمال سندیزې حوزې لوی ریاست د روان مالي کال د دوهمې ربعې د لاسته راوړنو او فعالیتونو راپور وړاندې کړ.
په دې راپورونو کې د ذکر شویو لویو حوزو او اړونده فرعي حوزو د پروژو تطبیق، انجنیري خدمتونو، د اوبو سرچینو پروګرانو سمون، سروې، د پروژو ډیزاین او نورو ادارو چارو په اړه مفصل معلومات وړاندې شو.
همدا شان د ذکر شویو لوی حوزو رئیسانو د اوبو مدیریت پراختیايي پروژو په اړه د خپلو فعالیتونو لکه د اوبو لګولو کانالو جوړونې او بیا رغونې، د عمومي حشر له لارې د کانالونو پاکوونه، د سواحلو تحکیمات، چکدمونو جوړونه او نورو چارو په اړه مفصل معلومات ورکړل.
د اوبو چارو د تنظیم ملي ادارې لوی رئیس ښاغلي انجنیر خان محمد تکل د دې دوه لویو ریاستونو کړنو د قدردانۍ ترڅنګ د اوبو مدیریت ښه والي او اجراآتو ګړندیتوب په موخه لازمې لارښوونې وکړې.
د اوبو چارو د تنظیم ملي اداره
