د اوبو د چارو د تنظیم ملي ادارې د څو نیالګیو په کینولو سره د نیالګیو کینولو له ملي ورځې څخه هرکلی وکړ
.
د جمهوري ریاست د عالي مقام د حکم پر بنسټ، د کب شلمه نیټه د نیالګیو کینولو د ملي ورځې په نامه، نومول شوې ده. د اوبو د چارو د تنظیم ملي ادارې د څو نیالګیو په کینولو سره د دې پرتمیني ورځې څخه هرکلی وکړ.
د اوبو د چارو د تنظیم د ملي ادارې مشر، ښاغلي انجنیر خان محمد تکل د نیالګیو کینونه د چاپیریال د زرغونتیا، د هوا د ککړتیا څخه د مخنیونې، د اوبو د سرچینو د ساتنې او د ژوندانه د غوره چاپېریال د جوړونې لپاره ګټور وبلل او زیاته یې کړه چې د نیالګیو کینول او د غوره چاپېریال په جوړولو کې ونډه اخیستنه د غوره او سوکاله ژوند لپاره، په هېواد کې د هر وګړي دنده او مسئولیت دی.
د اوبو د چارو د تنظیم ملي اداره ټولو هېوادوالو ته بلنه ورکوي تر څو د یوه نیالګي په کینولو سره، د ژوندانه چاپېریال له ککړتیاو څخه وژغوري او خپلو هېوادوالو ته پاکه او صفا هوا ډالۍ کړي.
