د اوبو د چارو د تنظیم ملي اداره کې اطلاعاتو ته د لاسرسي قانون په اړه د عامه پوهاوي او همغږۍ برنامه
دغه برنامه د اوبو د چارو د تنظیم ملي ادارې تخنیکي مرستیال انجنیر احمد ویس بصیري په مشرۍ او اطلاعاتو ته د لاسرسي کمېسیون کمشنرې نجیبه مرام، د اوبو د چارو د تنظیم ملي ادارې مرکزي رئيسانو، د نشراتو کار کوونکو او اطلاعاتو ته د لاسرسي کمېسیون یو شمېر کارشناسانو په شتون کې تر سره شوه.
د اوبو د چارو د تنظیم ملي ادارې تخنیکي مرستیال انجنبر احمد ویس بصیري دغه برنامه د ادارو په فعالیتونو او لاسته راوړنو کې روڼتیا او د خلکو خبرولو په موخه اړینه یاده کړه.
ښاغلي بصیري په خپلو خبرو کې د دغې ادارې د کړنو او فعالیتونو په برخه کې د دومداره اطلاعاتو خپرولو ته اشاره وکړه او زیاته یې کړه:"
د اوبو د چارو د تنظیم ملي اداره اطلاعاتو ورکولو ته ژمنه ده او د قانون په نظر کې نیولو سره غوښتونکي سره پر وخت اطلاعات شریکوي".
په عین حال کې اطلاعاتو ته د لاسرسي کمېسیون کمشنرې اغلې نجیبه مرام د اطلاع رسونې په برخه کې د اوبو د چارو د تنظیم ملي ادارې له همکاري څخه مننه وکړه او په ادارو کې یې اطلاعاتو ته د لاسرسي قانون برنامې د هدف یادونه وکړه.
په دوام یې اطلاعاتو ته د لاسرسي قانون کمېسیون کارشناس جعفر ایشان زاده، اطلاعاتو ته د لاسرسي حق او قانون په اړه ګډونوالو ته د یو پرزنټېشن له لارې مفصل معلومات وړاندې کړل، ګډونوالو هم په نوبت سره خپلې پوښتنې او وړاندیزونه له یو بله سره شریک کړل.
د اوبو د چارو د تنظیم ملي اداره
