د اوبو او انرژۍ وزارت سرپرست معرفي شو
د اوبو او انرژۍ وزارت د اوبو مرستیال ښاغلی انجنیر خانمحمد تکل د افغانستان د اسلامي جمهوریت د ولسمشرۍ عالي مقام د ۲۵۷۴ شمیرې د ۱۱/۰۱/۱۳۹۸ نيټې د فرمان پر اساس د دې وزارت د سرپرست وزیر په توګه معرفي شو.
ښاغلی تکل د اوبو او انرژۍ وزارت د پخوانی سرپرست ښاغلی انجنیر محمدگل خُلمی د کړنو ستاینه وکړه او په هیواد کې یې د اوبو او انرژۍ په سکتورونو کې لا زیات کار کول مهم او حیالتی وباله او ژمنه یې وکړه چې په پوره ژمنتیا، اخلاص او صداقت سره به خپل مسؤلیتونه ترسره کړي.
د اوبو او انرژۍ وزارت سرپرست په اوسنيو شرایطو کې د اوبو د مدیریت اهمیت او د انرژۍ په برخه کې د افغانستان د خلکو د اړتیاو په یادولو سره، د ټولو مسؤلینو او کارکونو څخه د خپلو مسؤلیتونو په ترسره کولو کې پر لا زیاته هڅه او جدیت ټینګار وکړ.
د یادونې وړ ده چې ښاغلي تکل د ۱۳۹۷ کال د چنګاښ میاشتې څخه تر اوسه پورې د اوبو او انرژۍ وزارت د اوبو د مرستیال په توګه دنده ترسره کړې او له دې وروسته به د پخوانۍ دندې سربیره د دغه وزارت د سرپرستی مسؤلیت هم پر غاړه لري.
