د اوبو او انرژۍ وزارت د ١٣٩٨ مالي کال په لومړۍ ربع کې خپله څلویښت سلنه انکشافي بودیجه مصرف کړې.
د اوبو او انرژۍ وزارت د ١٣٩٨ مالي کال په لومړۍ ربع کې خپله څلویښت سلنه انکشافي بودیجه مصرف کړې دغه موضوع د اوبو او انرژۍ وزارت مالي او حسابي رییس ښاغلي ناصر احمد نوري د پروژو د تطبیق پر وخت دهماهنګۍ په غونډه کې چې د دغه وزارت د مالي او اداري معین ښاغلي الماس زاخیلوال دڅارنې او ددغه وزارت د انکشافی پروژو مدیرانو پکې ګډون کړی وو، بیان کړه. په دغه غونډه کې د اوبو او انرژۍ وزارت مالي او اداري معین ښاغلي الماس زاخیلوال د خوښۍ د څرګندولو ترڅنګ د دغه وزارت د انکشافی بودیجی د مصرف په برخه کی پر هماهنګی او د پروژو پر تطبیق ټینګار وکړ. نوموړي زیاته کړه ، د اوبو او انرژۍ وزارت پدې توانیدلی چی د ١٣٩٨ مالي کال څلویښت سلنه مالي بودیجه مصرف کړي په اخره کې د غونډې ګډونوالو د غونډې د غوښتنې پر اساس د مالي کال د راتلونکو شپږو میاشتو لپاره د بودیجی د لګښت میکانیزم او غوښتنې د مالی کال تر پایه خپلی پریکړی شریکې کړی.
