د اوبو او انرژي پروژو د تاسیساتو د حفظ او مراقبت د پلي کولو په موخه د همغږي ناسته ترسره شوه
یاده ناسته د اوبو او انرژي وزارت د اوبو معین ښاغلي مجیب الرحمن عمر آخندزاده تر مشري لاندې د دې وزارت د یو شمېر رئیسانو او تخنیکي مسؤلینو په ګډون ترسره شوه.
په دې ناسته کې، د حفظ او مراقبتي پروژو د لومړیتوبونو او د یادو پروژو اعلان ته سپارلو د لارو چارو په هکله پر اړینې همغږي باندې بحث او د نظر تبادله وشوه.
د اوبو ښاغلي معین د رئيسانو او تخنیکي مسؤلینو د اندونو تر آورېدلو وروسته، اړوند مسؤلینو ته د پروژو د چارو د انسجام او د هغوی اعلان ته سپارلو د بهیر په موخه لازم هدایات ورکړل.
