د اوبو او انرژي وزیر دهرات برېښنا حوزوي ریاست څخه لیدنه وکړه
د ا.ا.ا داوبو او انرژي سرپرست وزیر محترم ملا عبداللطیف " منصور" او ورسره مل پلاوي پرون یک شنبه، دلیندۍ دمیاشتې پۀ ۶ نېټه دهرات برېښنا حوزوي ریاست څخه لیدنه وکړه.
نوموړي پۀ دې لیدنه کې دهرات برېښنا حوزوي سرپرست رئیس ښاغلي ملا خیر محمد معراج او د نوموړي لۀ مرستیالانو سره دیاد ریاست اړوند چارو او مسئولیتونو پۀ هکله خبرې وکړې.
ښاغلي وزیر لۀ مسئولینو سره دخبرو پۀ ترڅ کې هغوی ته داداري چارو پۀ ښۀ ډول ترسره کولو او دهرات درنو ښاریانو ته دښو خدماتو وړاندې کولو پۀ اړه لازمې لار ښوونې وکړې.
دغه راز د یاد ریاست مسئولینو د ا.ا.ا داصولو او هدایاتو پۀ رڼا کې پۀ خپلو دندو کې داخلاص او صداقت ژمنه وکړه.
غونډه دمحترم وزیر صاحب لۀ خوا دیاد ریاست کارمندانو ته پخپلو کارونو کې دبریالیتوب پۀ دعا سره پای ته ورسېده.
