د اوبو او انرژي وزارت سرپرست وزیر کاپیسا ولایت ته سفر وکړ
د ا.ا.ا د اوبو او انرژي وزارت سرپرست وزیر ښاغلي ملا عبداللطیف منصور د خپلو ولایتي سفرونو په ترڅ کې د کاپیسا ولایت له والي ښاغلي حاجي قاري احسان الله بریال،د ولایت د والي له مرستیال ښاغلي شیخ اسدالله سنان، د ولایت له امنیه قوماندان ښاغلي حاجي ضیاالحق حامد، د ولایت د استخباراتو رئيس ښاغلي حاجي ابوبکرعابد او د افغانستان اسلامي امارت له یو شمېر نورو مسؤلینو سره وکتل او د ۷ بندونو او سربندونو د سروې په هکله د ولایت مقام ته ډاډ ورکړ.
وروسته د اوبو او انرژي وزارت سرپرست وزیر د لاندني پنجشیر سیندیزې فرعي حوزې له رئيس ښاغلي انجنیر کاوه خروش سره وکتل او د هغه ادارې راپور یې واورېد او د یادې ادارې د شته ستونزو په هکله بحث او دنظر تبادله وکړه.
په پای کې د اوبو او انرژي وزارت سرپرست وزیر د لاندني پنجشیر سیندیزې فرعي حوزې ټول کارمندان د رښتیني چارو ترسره کولو ته وهڅول او په کاپیسا ولایت کې د اوبو پروژو د امکان سنجي او تخنیکي چارو پر چټکتیا باندې ټینګار وکړ.
د اوبو او انرژي وزارت سرپرست وزیر لارښوونه وکړه، چې د یاد ریاست یو کلن پلان شوېو پروژو لومړنۍ سروې د پروګرام سره سم پلي کړې، ترڅو د وزارت تخنیکي تیم وکولای شي د یادو پروژوډیزاین، پروپوزل لیکنه او د جوړولو لپاره د پانګوالو د جلبولو په برخه کې اقدام وکړي.
