د اوبو او انرژي وزارت سرپرست وزیر د برېښنا شرکت له رئیس اوتخنیکي چارواکو سره وکتل
د اوبو او انرژي وزارت سرپرست وزیر، ښاغلي ملا عبداللطیف "منصور " د افغانستان برېښنا شرکت له رئیس، ښاغلی حافظ امین او د یاد شرکت یوشمېر تخنیکي چارواکو سره په خپل کاري دفتر کې د هغه هیئت په اړه چې ټاکل شوي په راتلونکو ورځو کې له ترکمنستان څخه افغانستان ته راشي، په اړه یې د هیئت سره د کیدونکو خبرو په هکله او د چالق شرکت په اړه لازمې لارښوونې وکړي او همدارنګه په هرات کې د نورالجهاد سبسټیشن په اړوند لازمې لارښوونې وکړي.
په ورته وخت کې، د اوبو او انرژي وزارت سرپرست، د یاد وزارت د ادارو له رئیسانو سره په غونډه کې د ایران اسلامي جمهوریت ته د خپل وروستي سفر او لاسته راوړنو په هکله معلوماتو ورکولو په وخت کې خپل سفر او د یاد هیواد له چارواکو سره خپل مذاکرات بریالي وبلل.
د اوبو او انرژي وزارت سرپرست زیاته کړه، د تعرفي د کمولو په لړ کې مو خپل هیواد ته د نژدي لس نیم میلیونه ډالرو په اندازه ګټه تر لاسه کړه.
