د اوبو او انرژي وزارت د کورنۍ پلټنې رئيس د غزني له سیندیزې فرعي حوزې څخه لیدنه وکړه
د اوبو او انرژي وزارت د کورنۍ پلټنې رئيس محترم مولوي عزیزالله سهار او ورسره مل ټیم د غزني له سیندیزې فرعي حوزې څخه لیدنه وکړه او د نوموړې حوزې له کارمندانو سره وکتل.
په دغه لیدنه کې، د کورنۍ پلټنې رئيس د اسلامي نظام د ارزښت او اړتیا، له اسلامي نظام سره مخالفت او د سپکاوي د دبدو پایلو، تفتیش د اسلام له نظره، د تفتیش اهمیت او اړتیا، د کارمندانو د ښه ذهنیت جوړونې، ملي مسؤلیت، د بیت المال د ساتنې او په کاري ساحه کې د مفتیشینو د صلاحیتونو ، مسؤلیتونو او دندو په هکله خبرې وکړې.
د دغې لیدنې په پای کې د غزني سیندیزې فرعي حوزې مسؤلینو خپلې ستونزې او وړاندیزونه د کورنۍ پلټنې له رئيس سره شریک کړل او د هوارولو غوښتنه يې وکړه.
په ورته مهال، د کورنۍ پلټنۍ رئيس د نوموړې سیندیزې فرعي حوزې له رئيس مسؤلینو سره ژمنه وکړه چې د دوی ستونزې او وړاندیزونه به د اوبو او انرژي وزارت له رهبري سره شریک کړي.
