د اوبو او انرژي وزارت د رهبري پلاوي دوهمه ناسته ترسره شوه
دا ناسته د اوبو او انرژي وزارت سرپرست وزیر ښاغلي ملا عبداللطیف "منصور" ، د یاد وزارت د معینانو او عمومي رئیسانو په ګډون سره ترسره شوه.
په دغه ناسته کې د وزارت د عمومي تشکیل د جوړښت پر وروستي کېدو، د قوانینو د ځینو برخو د تعدیل، د مقررو او طرزالعملونو پر موضوعګانو او همدارنګه د غیر الکولي مشروباتو شرکتونو لخوا د ځمکې لاندې اوبو څخه د ناقانونه ګټه اخیستنې لپاره د طرحې پر چمتو کولو باندې بحث او د نظرونو تبادله وشوه.
ښاغلي "منصور" د وزارت د تشکیل د جوړښت د وروستي کیدو په هکله لازم هدایات ورکړل او د وزارت د قوانینو او مقررو پر موضوع باندې هم ټینګار وکړ ترڅو د عدلیې وزارت سره په همغږي وروستی او د چارو ادارې ته ولېږل شي.
د اوبو او انرژي وزارت سرپرست وزیر د ځمکې لاندې اوبو له سرچینو څخه د ناسمې ګټه اخیستنې د مخنیوي په موخه د اوبو چارو عمومي ریاست، پلان جوړونې او تګلارو ریاست، د اوبو سرچینو ریاست او د حقوقي مشاوریت څخه یوه ګډه کمېټه يې موظفه کړه، ترڅو د دې موخې لپاره یوه جامع او مشخصه طرحه جوړه کړې تر څو دهغې د اجرا د تائیدولو لپاره ریاست الوزرا ته وړاندېز شي.
