د اوبو او انرژي وزارت د رهبري ناسته د یاد وزارت د ځینو اداري او تخنیکي ستونزو د هوارولو په موخه ترسره شوه
دا ناسته، د اوبو او انرژي وزارت د سرپرست وزیر ښاغلي ملا عبداللطیف منصور او د یاد وزارت د معینانو او عمومي رئیسانو په ګډون جوړه شوه.
په دغه ناسته کې، د اداري او تخنیکي مهمو موضوعګانو په ځانګړې توګه د اوبو او انرژي وزارت د اوبو او انرژي اړوند تخنیکي، مسلکي او اداري چارو په برخه کې د لازیاتې چټکتیا او پیاوړتیا په موخه لازم تصامیم ونیول شول.
د اوبو او انرژي وزارت سرپرست وزیر ښاغلي ملا عبداللطیف منصور په ناسته کې دمسؤلینو له خوا د مطرح شویو موضوعګانو تر څېړلو وروسته، لازمې پرېکړې وکړې او اړوند رئيسانو ته یې د ستونزو د هوارولو لپاره اړین هدایات ورکړل.
