د اوبو او انرژي وزارت د اوبو معین د کندهار ولایت د ارغستان ولسوالي له یو شمېر مشرانو سره وکتل
د اوبو او انرژي وزارت د اوبو معین ښاغلی مجیب الرحمن عمر آخندزاده د خپل کار په دفتر کې د کندهار ولایت د ارغستان ولسوالي له یو شمېر مشرانو سره وکتل او د لورې بند د موقعیت په اړه یې بحث او د نظر تبادله وکړه.
په یاده لیدنه کې د اوبو معین د یادې ولسوالي مشرانو ته ډاډ ورکړ چې د لورې بند موقعیت د هر اړخیزې مطالعي پر بنسټ او له تخنیکي پلوه غوره موقعیت ورته ټاکل شوی دی.
همدارنګه، د اوبو معین په یاده لیدنه کې د دي پروژې ارزښت ته په اشارې سره د د دې پروژې د تطبیق په برخه کې د خلکو د همکاری غوښتنه وکړه.
