د اوبو او انرژي وزارت د اوبو معین د پکتیکا ولایت له مشرانو سره وکتل
د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده د پکتیکا ولایت له یو شمېر مشرانو سره وکتل او په هغه ولایت کې د اوبو پروژو د مدیریت په هکله یې خبرې ورسره وکړې.
په دغه لیدنه کې، د پکتیکا ولایت مشرانو خپل وړاندیزونه او ستونزې د اوبو او انرژي وزارت د اوبو له معین سره شریکې کړې او په یاد ولایت کې یې د اوبو پروژو د مدیریت غوښتنه وکړه.
د اوبو او انرژي وزارت د اوبو معین ښاغلي انجنیر مجیب الرحمن عمر آخندزاده د پکتیکا ولایت مشرانو ته د همکاري ډاډ ورکړ او زیاته یې کړه : " مونږ پلان لرو چي په نږدې راتلونکي کې د افغانستان ټولو ولایتونو ته سفر وکړو او د اړتیا وړ پروژې سروې کړو."
هغه زیاته کړه چې د دې پلان سره سم د پکتیکا ولایت پروژې هم له نږدې څخه تر څېړنې لاندې نیول کیږي او د وزارت د تخنیکي ټیم له خوا به سروي شي.
