د اوبو او انرژي وزارت د اوبو معین د فرزې له ولسوال سره په هغې ولسوالي کې د اوبو د پروژو په هکله خبرې وکړې
د اوبو او انرژي وزارت د اوبو معین محترم مجیب الرحمن عمر آخندزاده د خپل کار په دفتر کې د فرزې له ولسوال محترم محمد عثمان او د هغې ولسوالي له یو شمېر مشرانو سره وکتل.
په دغه لیدنه کې، د فرزې ولسوال او مشرانو د هغې ولسوالي د خلکو وړاندیزونه د اوبو له معین سره شریک کړل او د اوبو د پروژو د پلي کولو په ځانګړې توګه د هغې ولسوالي په سلیم خان درې کې د اوبو بند د جوړولو غوښتنه وکړه.
د اوبو محترم معین د فرزې ولسوال او مشرانو ته ډاډ ورکړ، چې د دغه وزارت له لوري به په راتلونکي کې شته امکاناتو ته په کتو سره د هغوی وړاندیزونو او غوښتونو ته رسیدګي وشي.
